هل صحيح في حاجة اسمها أسلمة علم النفس أو علم النفس الإسلامي؟

آه، في حاجة اسمها أسلمة علم النفس!

يمكن أول مرة تسمع عن المصطلح، أو شايفه محاولة لدمج الدين مع العلم بشكل سطحي، لكن الحقيقة إن الفكرة دي أعمق وأهم بكتير من مجرد دمج أسماء أو مصطلحات.

⬅️ أسلمة علم النفس ببساطة هي رؤية شاملة للإنسان تجمع بين النظرة العلمية والنظرة الروحية المستمدة من الإسلام، وده بناءً على فهم إن الإنسان مش مجرد جسد أو عقل بس، لكنه كيان متكامل من روح ونفس وعقل وجسد.

الفكرة دي مش جديدة كليًا، لكنها تطورت بشكل ملحوظ خلال العقود الأخيرة، وبقت توجه حقيقي موجود على أرض الواقع في أماكن زي الجامعات الإسلامية العالمية ومراكز العلاج النفسي اللي بتدمج بين المناهج العلمية الحديثة والقيم الإسلامية.

زمان كان شغلني لفترة طويلة السؤال: ليه إحنا بنعتمد تمامًا على نظريات علم النفس الغربية رغم إن الإنسان لسه لغز كبير؟ مش بس كده، ده كمان العلم الغربي ما وصلش لنتايج أكيدة عن النفس الإنسانية، وكل شوية النظريات بتتغير أو تُنقَض. فليه ما نبدأش نفكر بشكل أوسع، ونحاول نلاقي بدائل أكثر استقرارًا وأقرب لطبيعتنا وفطرتنا؟

هنا بقى بييجي الكلام عن “أسلمة علم النفس”. الفكرة دي مش مجرد محاولة لإدخال الدين في العلم، لكنها مبنية على أساس منطقي جدًا: مين أدرى بالنفس الإنسانية؟ الإنسان اللي لسه بيتخبط في فهمها؟ ولا اللي خلقها وعارف تفاصيلها؟

⬅️ طيب وهو احنا محتاجين لأسلمة علم النفس ليه ما هو زي الفل اهو 🙄

⭕️ أول حاجة لازم نتفق عليها: النفس البشرية معقدة جدًا. لحد النهارده، مفيش نموذج أو نظرية قدرت تشرح النفس بالكامل. علماء نفس زي كارل يونج كانوا بيأكدوا دايمًا إن “اللاوعي البشري عالم واسع ومليان أسرار لسه مش فاهمينها”.

في حين إن الإسلام قدم تصور شامل للنفس من أكتر من 1400 سنة.

تصور بيدعونا ندرس النفس من منظور أعمق، مش بس بيولوجيًا أو سلوكيًا، لكن روحيًا وأخلاقيًا كمان.

⭕️ وكمان علم النفس الغربي، رغم تطوره، بيركز غالبًا على المادية والسلوك الظاهري. يعني بيقولك مثلاً: “لو عملت كذا، هتتصرف كذا”، لكن مش بيتطرق للروح والقلب بشكل حقيقي. حتى “فرويد”، اللي بنى مدرسة التحليل النفسي، كان مركز على الغرائز أكتر من الروح. إنما الإسلام شاف النفس على إنها وحدة متكاملة بين الروح، العقل، والجسد. وده بيخلينا نفهم الإنسان بشكل أعمق.

إنما رؤية الإسلام للنفس البشرية وأحوالها بيعتمد على اللي خلق الإنسان، وده سر قوته. ربنا قال:

“ألا يعلم من خلق وهو اللطيف الخبير” (سورة الملك: 14).

الكلام ده بيخلينا نرجع للأساس: لو عايز تفهم آلة معقدة، مش المفروض ترجع لدليل الاستخدام اللي كتبه الصانع؟

كلامي ده مش مبني على تعصب أو رؤية عاطفية لكن له أدلة عملية.

👈🏻 دراسات كتير أثبتت إن الجانب الروحي له تأثير كبير على الصحة النفسية. على سبيل المثال: دراسة من جامعة هارفارد أكدت إن الأشخاص اللي عندهم ارتباط روحي قوي بيكونوا أقل عرضة للقلق والاكتئاب. ده بالضبط اللي الإسلام بيأكده لما بيحثنا على التوكل على الله، والتأمل في الكون، والبحث عن السلام الداخلي.

خليني أوضح حاجة مهمة علم النفس الغربي مش كله غلط.

فيه أفكار قوية جدًا ومهمة، لكن المشكلة إنه مش شامل.

مثلاً:

👈🏻 عندك مدرسة السلوكية (بتاعة بافلوف وسكينر) بتقولك إن كل حاجة نتيجة عوامل خارجية. يعني لو غيرت الظروف، السلوك هيتغير. لكن ده تجاهل الجانب الداخلي تمامًا.

وكمان 👈🏻مدرسة التحليل النفسي (بتاعة فرويد) ركزت أكتر على الغرائز والصراعات النفسية، لكن تجاهلت الأبعاد الروحية والأخلاقية.

👈🏻 حتى إن التغيير المستمر ل

DSM اللي هو  اختصار لـ Diagnostic and Statistical Manual of Mental Disorders (الدليل التشخيصي والإحصائي للاضطرابات النفسية)، وهو عبارة عن مرجع يستخدمه أطباء النفس وعلماء النفس لتشخيص الاضطرابات النفسية. الدليل يصنف الأمراض النفسية بناءً على مجموعة من الأعراض التي يمكن ملاحظتها، ويحدد معايير تشخيصية معينة للاضطرابات اللي تم تحديث DSM عدة مرات (من DSM-I إلى DSM-5)، مما يعكس التغيرات المستمرة في فهمنا للاضطرابات النفسية. التحديثات هذه نفسها تشير إلى أن علم النفس الغربي في حالة تغيير دائم، وهو ما يمكن أن يعكس بعض التحديات والانتقادات التي توجه له، بما في ذلك فكرة عدم الاستقرار في نظرية علم النفس الغربي

📝 هنا بييجي دور “أسلمة علم النفس”، اللي بتحاول تجمع بين النظريات المفيدة دي وبين قيمنا الإسلامية اللي بتراعي الروح والعقل مع بعض.

التوجه ده موجود بالفعل بدأ يظهر بشكل عملي في عدة أماكن:

🔴  ابن القيم الجوزية:

قدم نموذجًا نفسيًا متكاملًا يعتمد على مفاهيم مثل القلب، النفس، والروح، مع التأكيد على التزكية

🔴الجامعة الإسلامية العالمية في ماليزيا (IIUM)

الجامعة دي واحدة من أهم المؤسسات اللي بتدعم فكرة أسلمة العلوم، ومنها علم النفس. فيها أبحاث وبرامج دراسات عليا بتركز على دمج المفاهيم الإسلامية مع علم النفس الحديث.

🔴 أعمال الدكتور مالك بدري

مالك بدري (رحمه الله)، اللي بنسميه “أبو علم النفس الإسلامي”، كان ليه إسهامات قوية جدًا. كتاباته زي “علم النفس من منظور إسلامي” بتوضح إزاي نقدر نعيد صياغة نظريات علم النفس بما يناسب قيمنا.

🔴 البرامج العلاجية في السعودية وماليزيا

بعض مراكز العلاج النفسي في السعودية وماليزيا بدأت تعتمد على طرق تجمع بين العلاج النفسي التقليدي والجوانب الروحية الإسلامية، وده أثبت فاعلية عالية في حالات القلق والاكتئاب.

🔴 التجارب العملية في الإرشاد الأسري

في برامج الإرشاد الأسري، زي اللي بتُستخدم في الإمارات واللي بستخدمها في استشاراتي، بيتم دمج التعاليم الإسلامية مع أساليب علم النفس الحديث لتحسين العلاقات الأسرية ومساعدة الأزواج والأطفال على تخطي المشكلات النفسية.

طبعا أول ما نتكلم عن علم النفس الإسلامي بنلاقي هجوم شديد ومن أطباء مسلمين وعرب ورافضين الطرح ده وبيعتبروه نوع من أنواع الدروشة ومنطقهم 👇🏻

1. “ده خلط بين الدين والعلم”

الناس اللي بتقول كده غالبًا بتفترض إن العلم لازم يكون منفصل عن أي إطار أخلاقي أو ديني. بس الحقيقة؟ العلم الغربي نفسه مش محايد بالكامل، وبيستند على قيم ومبادئ غربية.

الإسلام مش بيقولك “ارفض العلم”، لكن بيقولك “استخدم العلم اللي يفيدك وما يخالفش فطرتك”. يعني مش خلط، دي إضافة.

2. “مش هينفع يتطبق عالميًا”

ده نقد منطقي، لكن خليني أقول حاجة: علم النفس الغربي نفسه مش عالمي. كتير من النظريات الغربية مش بتشتغل كويس في الثقافات الشرقية، زي ما أثبتت دراسات نفسية مقارنة بين الغرب والشرق.

3. “مفيش دراسات كفاية”

ده حقيقي، والمجال لسه في بدايته. لكن ده مش معناه إنه غلط. المجالات العلمية كلها بدأت كده. المطلوب هو الاستمرار في البحث والتطوير.

☀️خليني أحكيلك عن تجربة قريبة ليا كاستشارية أسرية. اشتغلت مع حالات كتير كانوا بيعانوا من القلق الشديد والاكتئاب. لما بدأت أدمج الجوانب الروحية في الجلسات، زي التأمل في الآيات القرآنية أو استخدام الدعاء كجزء من العلاج، النتايج كانت مبهرة.

☑️ في دراسة عملتها جامعة الملك سعود، وجدوا إن العلاج النفسي اللي بيشمل الجوانب الروحية الإسلامية بيحسن حالة المرضى بشكل أسرع من الطرق التقليدية. وده مش غريب، لأن الإسلام بيدعم الإنسان على كل المستويات: الروحي، النفسي، والمادي.

النفس البشرية معقدة جدًا، والعلم الغربي لسه ما وصلش لحل شامل. الإسلام بيقدم رؤية متكاملة بتجمع بين الروحي والمادي، وده اللي بيدينا فرصة لتطوير علم نفس أكتر استقرارًا وأقرب للإنسان.

#استشاري_علاقات_وأسري

#اخصائي_نفسي

#رانيا_هاشم